تذكير بمساهمة فاتح الموضوع :السلام عليكم
اليوم سأتكلم فى مشكلة كبيرة وللاسف تحدث بأستمرار فى هذا المنتدى
اولا: ما هو هذا المنتدى؟
الاجابة : هذا المنتدى منتدى عربى خاص بمبارزة الوحوش و الانمى
يضم عدد من المبارزين من حول العالم لكى يتبارزو ويتبادلوا الخبرة فى هذا المجال
__________
ثانيا: ما مضمون المواضيع التى بالمنتدى؟؟
الاجابة :
منتدى خاص بمبارزة الوحوش والانمى فبالتأكيد المواضيع التى به تخص :
1- مبارزة الوحوش :
مواضيع بها دروس شرح وتعليم المبارزة للمبتدئين
و مواضيع بها دروس لزيادة مهارة اللاعبين
وايضا مواضيع بها شرح لـ العاب المبارزة وشرح للأوراق والدكات
و ايضا مواضيع بها تحميل دكات المبارزة بدون العناء فى عملها.
2- الانمى :
مواضيع بها حلقات الانمى وروابط تحميلها
ومواضيع بها نقاشات واسئلة حول الانمى
3- القسم الاسلامى
قسم اساسى فى اى منتدى مهما كان مضمونه
يضم نقاشات حول ديننا الاسلامى
4 - قسم الالعاب
يتضمن مواضي تحميل الالعاب
اسئلة ونقاشات حول الالعاب
5- قسم البرامج
6- قسم الجرافيك
قسم خاص بدروس الجرافيك وفريق الجرافيك
__________
هذا هو مضمون المواضيع بمنتدانا او هذا المفترض ان يكون المضمون الخاص بالمنتدى
فعندما اتجول داخل المنتدى اجد مواضيع مثل :
عيد ميلاد فلان
كل سنة وانت طيب ياعم بس ايه المناسبة ان احنا نعرف ان عيد ميلادك النهارده
ناس رخمة هترد وتقولى المنتدى عائلته الاخرى وبيحتفل معاهم عايز اقولهم
ادخلوا على اى منتدى من المنتديات المنافسه ولو لقيتوا مواضيع بالتفاهة دى يبقى معاكم حق وانا غلطان
ونفتح قسم للمناسبات
__________
وكمان الاقى موضوع
معلومات عن فلان الفلانى واقتراح يقولك نفتح قسم بحث علمى
مشاء الله عندنا عباقرة هنا مشاء الله نفتح قسم بحث علمى فى اقرب وقت ممكن انشاء الله
وكمان نغير اسم المنتدى لـ منتدى البحث العلمى
__________
ومواضيع للفرفشة واحد جايب لك صورة مضحكة فى موضوع طويل
لا وعامله حلقات
مشاء الله
__________
الصراحة منتدى شامل انا ماشفتش مثله وكمان بهذه الطريقة عايزين المنتدى رقم واحد
ومش معنى ان فى قسم مواضيع اخرى فانه قسم للهبل ده لا مش كده خالص
ده قسم لمواضيع عن الانمى والمبارزة بس مالهمش قسم معين هنا واخد بالك
فانا ارجو وضع قانون يمنع وضع اى مواضوع خارج مضمون المنتدى
لان لو انا شوفت موضوع تانى كده ومافيش حد من الادارة ادخل
انا همشى من المنتدى
وشكرا
